Абай ұлылығын тануға, танытуға деген ұмтылыс күннен бері әлі күнге тоқталмай жалғасып келеді.
Балабақшамызда «Абай аманаты» эксперименттік білім беру алаңы бойынша Абай дана, Абай дара атты тақырыпьа құндылыққа негізделген білім беру сайысы өтті.
Мақсаты: Абай қара сөздерінің тәрбиелік мәнін түсіну, өзін-өзі тәрбиелеу мәселесі, жақсы-жаман нәрсенің парқын пайымдау туралы, адам өмірі туралы, қара сөздерінің мазмұнын меңгерту.
Сайыс 6 бөлімнен тұрды. Сайыста балалар қыркүйек айынан қараша айы аралығында үйренгендерін ортаға салды. Өздерін әдемі өлең шумақтарымен таныстыра келе, Абай атамыздың өлеңдерін қаншалықты білетінін көрсетті. Шаш өру, қамшы өру, текемет тоқып, оны жүннің көмегімен безендіре алатынын көрдік.
Балалар — біздің келешегіміз. Сондықтан, бойына қазақи құндылықтарды сіңіріп, Дана Абай атамыздың ұлағатты сөздері мен өлеңдерін үйрете берсек, келешекте жүрегі Қазағым деп соғатын ұл-қыздар өсетініне сенімдіміз.
