Қазіргі кезде “құндылық” деген сөзді жиі айтамыз, өзіміздің қазақи құндылығымызды жоғалтып бара жатырғанымызға қынжыламыз! Соның бірі “ қайырымдылық” жасау да құндылығымызға айналып бара жатырғандай! Қайырымдылық адамның бойындағы ең бір құнды қасиеттерінің бірі! Ол дегенің адамға жақсылық жасау, мейірім көрсету, адмның бір-бірімен қарым- қатынасында көмек қол ұшын созу деп түсінемін.
Мектепке дейінгі білім саласында тәрбиелеу-білім беру процесінде әр баланы жалпы адами және ұлттық құндылықтар негізінде толыққанды дамыту, олардың бойында коммуникативтік дағдыларды соның ішінде өзіне, отбасына, құрдастарына, қоршаған ортаға адамгершілік қарым-қатынасын қалыптастыру мақсаты көзделген.
Көрінісі ретінде біздің балабақшада “ Ашық жүрек” атты волонтерлік қозғалыс ретінде кіші топқа мектепалды тобы тәрбиеленушілерінің көмек көрсетуі, сондай-ақ қамқорлық , игілік істі қамтамасыз етуге бағытталған қосымша жұмыс жүргізіледі . Бұндай жұмыс жасы үлкен балалардың бойында әлеуметтік жауапкершілік, ынтымақ, өзара көмек және мейірімділік сезімін қалыптастыру болып табылады. Міндеті: балалардың қызығушылығы мен қимыл белсенділігін ескере отырып, күн тәртібі шегінде кіші топ балаларының серуенге шығарда киінуіне, іс -әрекет кезінде жұмыс жүргізуіне көмек көрсету! Бұл жұмыс ата-ананың келісімімен жүргізіледі.
